సేవా స్ఫూర్తిని చాటిన లయన్స్ క్లబ్ అఫ్ సుప్రీమ్ నెలవారీ సమావేశం

విజయవాడ, జూలై 31(వి10టీవి): లయన్స్ క్లబ్ ఆఫ్ సుప్రీమ్ ఆధ్వర్యంలో ప్రతినెలా నిర్వహించే టేబుల్ మీటింగ్ విజయవాడలోని హోటల్ ఐలాపురంలో శుక్రవారం ఘనంగా జరిగింది. ఈ సమావేశంలో క్లబ్ సభ్యులు గత నెలలో చేపట్టిన వివిధ సేవా కార్యక్రమాలను సమీక్షించి, వాటి వివరాలను సభ్యులతో పంచుకున్నారు. అలాగే రానున్న రోజుల్లో మరిన్ని సేవా కార్యక్రమాలను ప్రజలకు చేరువ చేసే దిశగా కార్యాచరణపై చర్చించారు. సమావేశంలో పలువురు సభ్యులు తమ అభిప్రాయాలు, సూచనలు వెల్లడిస్తూ క్లబ్ సేవా కార్యక్రమాలను మరింత విస్తృతంగా నిర్వహించాలని సూచించారు. అనంతరం లయన్స్ క్లబ్ సెక్రటరీ జి. నాగిరెడ్డి జన్మదిన వేడుకలను సభ్యులు కేక్ కట్ చేసి ఘనంగా నిర్వహించి శుభాకాంక్షలు తెలిపారు. ఈ కార్యక్రమంలో లయన్స్ క్లబ్‌కు చెందిన పలువురు సభ్యులు పాల్గొని సేవా కార్యక్రమాల పట్ల తమ నిబద్ధతను వ్యక్తం చేశారు.