విశాఖలో బాలికను చంపి సూట్‌కేసులో తరలింపు.. కంచరపాలెంలో సంచలనం

విశాఖపట్నం, జూలై 31 (వీ టెన్ టీవీ):విశాఖపట్నంలోని కంచరపాలెం పోలీస్‌స్టేషన్ పరిధిలో బాలిక హత్య కేసు సంచలనం రేపింది. ఒడిశాలోని రాయగడలో బాలికను హత్య చేసిన అనంతరం మృతదేహాన్ని సూట్‌కేసులో పెట్టి విశాఖకు తీసుకొచ్చినట్లు పోలీసులు అనుమానిస్తున్నారు. కేసు దర్యాప్తులో కీలక ఆధారాలు సేకరించిన పోలీసులు, రైల్వే స్టేషన్‌లోని సీసీటీవీ ఫుటేజీతో పాటు ఫోన్ డేటాను విశ్లేషించారు. ఈ ఆధారాల ఆధారంగా కంచరపాలేనికి చెందిన ఓ వ్యక్తిని అదుపులోకి తీసుకుని విచారిస్తున్నారు. హత్యకు గల కారణాలు, బాలికతో నిందితుడికి ఉన్న సంబంధం, ఘటనకు దారితీసిన పరిస్థితులపై పోలీసులు అన్ని కోణాల్లో దర్యాప్తు కొనసాగిస్తున్నారు. కేసుకు సంబంధించిన పూర్తి వివరాలను త్వరలో అధికారికంగా వెల్లడించే అవకాశం ఉంది.