ప్రజాస్వామ్యానికి సుప్రీం అండ: పెద్దిరెడ్డి

ప్రజాస్వామ్య పరిరక్షణకు సుప్రీంకోర్టు ముందుకొచ్చిందని వైసీపీ సీనియర్ నేత పెద్దిరెడ్డి రామచంద్రారెడ్డి అన్నారు. స్థానిక సంస్థల ఎన్నికల సందర్భంగా పలుచోట్ల దాడులు, బెదిరింపులు, వాహనాల ధ్వంసం వంటి ఘటనలు చోటుచేసుకున్నాయని ఆయన ఆరోపించారు. ప్రజాస్వామ్యాన్ని అపహాస్యం చేసేలా వ్యవహరించారని విమర్శించారు. ఎన్నికల ప్రక్రియలో చోటుచేసుకున్న పరిణామాలపై వైసీపీ సుప్రీంకోర్టును ఆశ్రయించిందని తెలిపారు. తమ పిటిషన్‌పై స్పందించిన సర్వోన్నత న్యాయస్థానం 19 చోట్ల తిరిగి నామినేషన్లను స్వీకరించాలని ఆదేశించినట్లు ఆయన వెల్లడించారు. ఈ 19 చోట్ల మళ్లీ నామినేషన్ల దాఖలుకు అవకాశం కల్పించడాన్ని ప్రజాస్వామ్య విజయంగా అభివర్ణించారు. ఎన్నికల్లో ప్రతి అభ్యర్థికీ స్వేచ్ఛగా పోటీ చేసే అవకాశం ఉండాలని, ప్రజల తీర్పే అంతిమంగా నిలవాలని పెద్దిరెడ్డి పేర్కొన్నారు.