హైదరాబాద్‌లో 150 ఉద్యోగాలు.. పోటెత్తిన యువత

హైదరాబాద్: కాంట్రాక్ట్ పద్ధతిలో 100 డీఆర్‌ఎఫ్ అసిస్టెంట్‌, 50 హెవీ వెహికల్ డ్రైవర్ ఉద్యోగాల భర్తీకి నిర్వహిస్తున్న ఎంపిక ప్రక్రియకు యువత భారీగా తరలివచ్చారు. శనివారం ఉదయం 5 గంటల నుంచే అభ్యర్థులు సరూర్‌నగర్ స్టేడియం వద్దకు చేరుకోవడంతో అక్కడ రద్దీ నెలకొంది. ఎంపిక ప్రక్రియలో భాగంగా 800 మీటర్ల రన్నింగ్‌, 100 మీటర్ల పరుగు, 4 మీటర్ల లాంగ్‌జంప్‌, 7.26 కిలోల షాట్‌పుట్ తదితర ఈవెంట్లలో అర్హత సాధించేందుకు అభ్యర్థులు పోటీపడ్డారు.