కనకదుర్గమ్మకు ఆషాఢ మాస సారె సమర్పించిన సత్యనారాయణపురం పోలీసులు

వి10టివి, విజయవాడ, ఆగస్టు 5: ఇంద్రకీలాద్రిపై వెలసిన శ్రీ కనకదుర్గమ్మ అమ్మవారికి ఆషాఢ మాసం సందర్భంగా సత్యనారాయణపురం పోలీస్ స్టేషన్ ఆధ్వర్యంలో బుధవారం సాయంత్రం పుట్టింటి సారెను భక్తిశ్రద్ధలతో సమర్పించారు. నార్త్ ఏసీపీ పి. సత్యానందం, సత్యనారాయణపురం సీఐ ఎస్.వి.వి. లక్ష్మీనారాయణ సమక్షంలో ఈ కార్యక్రమం నిర్వహించారు. ఈ సందర్భంగా

అమ్మవారికి ప్రత్యేక పూజలు నిర్వహించి, రాష్ట్ర ప్రజలు సుఖశాంతులు, ఆయురారోగ్యాలతో ఉండాలని, పోలీసు శాఖకు అమ్మవారి ఆశీస్సులు ఎల్లప్పుడూ ఉండాలని ప్రార్థించారు. అనంతరం ఆలయ మర్యాదల మధ్య అమ్మవారికి ఆషాఢ మాస సారెను సమర్పించారు. ఈ కార్యక్రమంలో సత్యనారాయణపురం పోలీస్ స్టేషన్ అధికారులు, సిబ్బంది పాల్గొని అమ్మవారి ఆశీస్సులు పొందారు.