బెజవాడలో తీన్మార్ మోగించిన మల్లాది విష్ణు!

విజయవాడ, అక్టోబర్ 23: విజయవాడలో స్థానిక సంస్థల ఎన్నికల ప్రచారం ఊపందుకుంది. సత్యనారాయణపురంలో మాజీ ఎమ్మెల్యే మల్లాది విష్ణు వినూత్న రీతిలో ఎన్నికల ప్రచారం నిర్వహించారు. గడపగడపకు వెళ్లి ప్రజలను కలుసుకుంటూ వైఎస్ఆర్ కాంగ్రెస్ పార్టీ అభ్యర్థులను గెలిపించాలని కోరారు. ప్రచారంలో భాగంగా తీన్మార్ వాయిస్తూ కార్యకర్తల్లో ఉత్సాహం నింపారు. మాజీ మేయర్, వైసీపీ మేయర్ అభ్యర్థి రాయన భాగ్యలక్ష్మి, మాజీ కార్పొరేటర్ శర్వాణి మూర్తి సైతం తీన్మార్ వాయిస్తూ సందడి చేశారు. దీంతో ప్రచార కార్యక్రమం ఉత్సాహభరితంగా సాగింది. ఈ సందర్భంగా మల్లాది విష్ణు మాట్లాడుతూ స్థానిక సంస్థల్లో ప్రజా సమస్యల పరిష్కారానికి వైఎస్ఆర్ కాంగ్రెస్ పార్టీ అభ్యర్థులను గెలిపించాలని కోరారు. ఇంటింటికీ తిరుగుతూ ప్రజలను పలకరించిన నాయకులు ఫ్యాన్ గుర్తుపై ఓటు వేసి వైసీపీ అభ్యర్థులకు అత్యధిక మెజార్టీ అందించాలని విజ్ఞప్తి చేశారు. ప్రచారంలో భాగంగా స్థానిక ప్రజలతో మమేకమవుతూ తమ పార్టీకి మద్దతు కోరారు. ఈ కార్యక్రమంలో వైఎస్ఆర్ కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.