మల్లాది విష్ణు అరెస్ట్‌కు యత్నం..? ఉద్రిక్తత

విజయవాడ ముత్యాలంపాడులో నిర్వహిస్తున్న నిరసన కార్యక్రమానికి వెళ్తున్న వైసీపీ నేత మల్లాది విష్ణును పోలీసులు అడ్డుకోవడంతో ఉద్రిక్త పరిస్థితులు నెలకొన్నాయి. పోలీసులు అడ్డుకోవడంపై మల్లాది విష్ణు తీవ్ర అభ్యంతరం వ్యక్తం చేస్తూ అధికారులను ప్రశ్నించారు. ఈ సందర్భంగా వైసీపీ నాయకులు, కార్యకర్తలు పోలీసుల తీరును నిరసిస్తూ నినాదాలు చేశారు. ఇరువర్గాల మధ్య కొద్దిసేపు వాగ్వాదం చోటుచేసుకోగా, పరిస్థితిని అదుపులోకి తీసుకొచ్చేందుకు పోలీసులు భారీ బందోబస్తు ఏర్పాటు చేశారు.