52వ డివిజన్ బీజేపీ అభ్యర్థిగా దాడి అప్పారావు!

విజయవాడ, అక్టోబర్ 21: విజయవాడ నగరపాలక సంస్థ ఎన్నికల్లో 52వ డివిజన్ నుంచి బీజేపీ కూటమి అభ్యర్థిగా సీనియర్ నాయకుడు, మాజీ స్టాండింగ్ కమిటీ చైర్మన్ దాడి అప్పారావు పోటీ చేస్తున్నారు. బీసీ నాయకుడిగా, సీనియర్ బీజేపీ నేతగా రాజకీయాల్లో కొనసాగుతున్న దాడి అప్పారావు గతంలో నగరపాలక సంస్థ స్టాండింగ్ కమిటీ చైర్మన్‌గా బాధ్యతలు నిర్వహించారు. ఈసారి కూటమి అభ్యర్థిగా ఎన్నికల బరిలో నిలుస్తున్న ఆయనకు విశ్వహిందూ పరిషత్ ప్రతినిధులు శుభాకాంక్షలు తెలియజేశారు. సౌమ్యుడిగా పేరున్న దాడి అప్పారావు ఎన్నికల్లో పోటీ చేస్తున్న సందర్భంగా ఆయనకు అభినందనలు తెలియజేస్తూ, ఎన్నికల ప్రక్రియ విజయవంతంగా సాగాలని ఆకాంక్షించారు.