అదనపు కట్నం కోసం భార్యకు వేధింపులు.. భర్తపై కేసు

విజయవాడ, సెప్టెంబర్‌ 30: అదనపు కట్నం తీసుకురావాలంటూ భార్యను వేధిస్తున్న భర్తపై కొత్తపేట పోలీసులు కేసు నమోదు చేశారు. కొత్తూరు తాడేపల్లికి చెందిన మహేష్‌ తన భార్య కీర్తిని అదనపు కట్నం కోసం తరచూ వేధిస్తున్నట్లు పోలీసులు తెలిపారు. కట్నం తీసుకురావాలని కొట్టడంతోపాటు ఈ విషయాన్ని తల్లిదండ్రులకు చెబితే వారిని కూడా చంపేస్తానని బెదిరించినట్లు బాధితురాలు ఫిర్యాదులో పేర్కొన్నారు. ఆమె ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.