పశ్చిమలో బీసీలు, మహిళలకు ప్రాధాన్యం

విజయవాడ, అక్టోబర్‌ 19: విజయవాడ పశ్చిమ నియోజకవర్గంలో కార్పొరేషన్‌ ఎన్నికల అభ్యర్థుల ఎంపికలో బీసీలు, మహిళలకు ప్రాధాన్యత కల్పించినట్లు తెలుగుదేశం పార్టీ వెల్లడించింది. బీసీలకు 65 శాతం, మహిళలకు 50 శాతం అవకాశాలు కల్పించినట్లు పార్టీ విడుదల చేసిన ప్రకటనలో పేర్కొంది. పశ్చిమ నియోజకవర్గ ఇన్‌చార్జ్‌ బుద్ధా వెంకన్న ఆధ్వర్యంలో సామాజిక ప్రాతినిధ్యానికి ప్రాధాన్యమిస్తూ ఎంపిక చేపట్టినట్లు వివరించింది. నియోజకవర్గ పరిధిలోని 17 డివిజన్ల నుంచి టీడీపీ అభ్యర్థులు నామినేషన్లు దాఖలు చేసినట్లు తెలిపింది. అన్ని సామాజిక వర్గాలకు సముచిత అవకాశాలు కల్పించడం, మహిళల రాజకీయ భాగస్వామ్యాన్ని పెంచడం లక్ష్యంగా అభ్యర్థుల ఎంపిక జరిగినట్లు పేర్కొంది. నామినేషన్లు దాఖలు చేసిన అభ్యర్థులు డివిజన్‌ అభ్యర్థి పేరు 31 గడ్డం బాల వెంకట రవికుమార్‌ 32 సురభి శైలజ 33 చెరువుకొమ్ము స్నేహ 34 పొనుగుపాటి విజయలక్ష్మి 35 కప్పగంతుల జ్యోతి 38 పత్తి నాగేశ్వరరావు 41 కొండా జమలయ్య 43 గుర్రం కనకదుర్గ 44 బేవరు జోగేశ్వరరావు 46 కుంచం శ్యామల 47 ఈగల సాంబశివరావు 48 ఉమ్మడి వెంకటేశ్వరరావు (చంటి) 50 షేక్‌ ఆశ 52 కుప్పుల అరుణశ్రీ 54 వడ్డాది రమణ 55 పెద్ది రమేష్‌ 56 కొలగాని అశోక్‌ ప్రజలకు అందుబాటులో ఉంటూ స్థానిక సమస్యల పరిష్కారానికి కృషి చేయడమే అభ్యర్థుల లక్ష్యమని పార్టీ పేర్కొంది. తాగునీటి సరఫరా, రహదారులు, పారిశుధ్యం, డ్రైనేజీ వ్యవస్థ మెరుగుదలతోపాటు మౌలిక సదుపాయాల కల్పనకు ప్రాధాన్యత ఇస్తామని తెలిపింది.