గన్నవరం జెడ్పీటీసీ ఎలిజబెత్ రాణికి ఘన సన్మానం

గన్నవరం, సెప్టెంబర్ 30: గన్నవరం జెడ్పీటీసీ సభ్యురాలు అన్నవరపు ఎలిజబెత్ రాణిని వైఎస్సార్‌ కాంగ్రెస్‌ పార్టీ మహిళా విభాగం కమిటీ ఆధ్వర్యంలో బుధవారం ఘనంగా సన్మానించారు. గన్నవరంలోని పార్టీ కార్యాలయంలో నిర్వహించిన కార్యక్రమంలో మహిళా నాయకులు, మండల నాయకులు ఆమెకు శాలువాలు కప్పి పుష్పగుచ్ఛాలు అందజేశారు. ప్రజాప్రతినిధిగా ప్రజలకు అందిస్తున్న సేవలను నాయకులు అభినందించారు. మహిళల సమస్యల పరిష్కారం, పార్టీ బలోపేతం కోసం అందరూ సమష్టిగా పనిచేయాలని పిలుపునిచ్చారు. కార్యక్రమంలో వైఎస్సార్‌సీపీ మహిళా జిల్లా కార్యదర్శి సూరెడ్డి మణిమ్మ, దేవరపల్లి సుశీల, పార్టీ మండల అధ్యక్షుడు పడమటి సురేష్, తోట వెంకయ్య, పోలిమెట్ల జయరాజు, గోంది పరంధామయ్య, కోడబోయిన బాబీ, మాజీ మండల పరిషత్ ఉపాధ్యక్షురాలు సాతులూరి శివనాగరాజ కుమారి, మాజీ సర్పంచ్ చేబ్రోలు లక్ష్మీమౌనిక, కోలుసు శిరీష, ఆరేపల్లి జేజెమ్మ, మాజీ ఎంపీటీసీ దుర్గ, పద్మ, స్వర్ణ, మున్నీ, చినమస్తాన్, పసుపులేటి ఏడుకొండలు, భాస్కరరావు, పేతురు తదితరులు పాల్గొన్నారు.