ప్రజలకు అందుబాటులో ఉండాలి: ఏసీపీ విభు కృష్ణ

ఇబ్రహీంపట్నం, అక్టోబర్‌ 17: పశ్చిమ డివిజన్‌ నూతన ఏసీపీ విభు కృష్ణ శనివారం ఇబ్రహీంపట్నం పోలీస్‌ స్టేషన్‌ను తనిఖీ చేశారు. బాధ్యతలు స్వీకరించిన అనంతరం తొలిసారిగా స్టేషన్‌కు వచ్చిన ఆయనకు సీఐ ఏ. సుబ్రహ్మణ్యం, ఎస్సైలు, పోలీస్‌ సిబ్బంది స్వాగతం పలికారు. తనిఖీలో భాగంగా స్టేషన్‌లోని కీలక రికార్డులు, నివేదికలను ఏసీపీ పరిశీలించారు. కేసుల దర్యాప్తు పురోగతి, శాంతిభద్రతల పరిస్థితిపై ఆరా తీసి సిబ్బందికి పలు సూచనలు చేశారు. పోలీసులు ప్రజలకు అందుబాటులో ఉంటూ వారి సమస్యలపై స్పందించాలని ఆదేశించారు. శాంతిభద్రతల పరిరక్షణకు కృషి చేయాలని సూచించారు. కార్యక్రమంలో సీఐ ఏ. సుబ్రహ్మణ్యం, ఎస్సైలు, సిబ్బంది పాల్గొన్నారు.