దసరా ఉత్సవాల్లో సాంస్కృతిక ప్రదర్శనలకు అవకాశం

విజయవాడ, అక్టోబరు 1: ఇంద్రకీలాద్రిపై అక్టోబరు 11 నుంచి 20వ తేదీ వరకు నిర్వహించనున్న దసరా శరన్నవరాత్రి ఉత్సవాల్లో సాంస్కృతిక ప్రదర్శనలు ఇచ్చేందుకు ఆసక్తిగల కళాకారుల నుంచి శ్రీ దుర్గామల్లేశ్వరస్వామి వార్ల దేవస్థానం అధికారులు దరఖాస్తులు ఆహ్వానించారు. కళాకారులు తమ వివరాలతో కూడిన దరఖాస్తులను అక్టోబరు 5వ తేదీలోగా సమర్పించాలని సూచించారు. పోస్టు, ఈ-మెయిల్‌ ద్వారా లేదా నేరుగా ఆలయ కార్యాలయంలో దరఖాస్తులను అందజేయవచ్చని తెలిపారు. ఎంపికైన కళాకారులకు దసరా ఉత్సవాల్లో తమ కళారూపాలను ప్రదర్శించే అవకాశం కల్పించనున్నారు.