చిత్తూరులో సేవా జ్యోతి యాత్ర

చిత్తూరు, అక్టోబర్‌ 7: ప్రధానమంత్రి నరేంద్ర మోదీ ప్రజాసేవ ప్రస్థానానికి 25 సంవత్సరాలు పూర్తయిన సందర్భంగా చిత్తూరులో బుధవారం సేవా జ్యోతి యాత్ర నిర్వహించారు. వికసిత్‌ భారత్‌ సేవా సంకల్ప కార్యక్రమంలో భాగంగా యువ మోర్చా జిల్లా అధ్యక్షుడు భానుప్రకాశ్‌ ఆధ్వర్యంలో జరిగిన ఈ కార్యక్రమానికి బీజేపీ రాష్ట్ర ఉపాధ్యక్షుడు

గుడిసె దేవానంద్‌ ముఖ్యఅతిథిగా హాజరయ్యారు. బీజేపీ జిల్లా అధ్యక్షుడు జగదీష్‌ నాయుడు, జిల్లా ఇన్‌చార్జి లక్ష్మీనారాయణ రెడ్డి, మాజీ ఎంపీ దుర్గా రామకృష్ణ పాల్గొన్నారు. వందలాది మంది విద్యార్థులతో కలిసి రాష్ట్ర, జిల్లా నాయకులు, కార్యకర్తలు గాంధీ కూడలి వద్ద పెద్ద ఎత్తున తరలివచ్చి ప్రధాని మోదీకి అభినందనలు తెలియజేశారు.