అమరావతి ప్రాజెక్టులపై వైసీపీ విమర్శలు.. కన్సల్టెన్సీ ఫీజులపై ప్రశ్నల వర్షం

అమరావతి నిర్మాణానికి సంబంధించిన హైకోర్టు రీడిజైన్, శాసనసభ భవనాల కన్సల్టెన్సీ ఫీజుల కింద రూ.206.59 కోట్ల వ్యయానికి కేబినెట్ ఆమోదం తెలిపిందని పేర్కొంటూ వైసీపీ తీవ్ర విమర్శలు గుప్పించింది. సూపర్ సిక్స్ హామీల అమలుకు నిధులు లేవని ప్రభుత్వం చెబుతూనే, కన్సల్టెన్సీ ఫీజుల పేరిట వందల కోట్ల రూపాయల ప్రజాధనాన్ని ఖర్చు చేస్తోందని ఆరోపించింది. ఈ వ్యయానికి సంబంధించిన పూర్తి వివరాలను ప్రజలకు వెల్లడించి, పారదర్శకతతో వ్యవహరించాలని ప్రభుత్వం ముందుకు రావాలని వైసీపీ డిమాండ్ చేసింది.