పొన్నమండ లక్ష్మణస్వామి వర్మకు ఘన నివాళి.. డీసీపీ కృష్ణకాంత్ పటేల్ స్మరణ

శ్రీ పొన్నమండ లక్ష్మణస్వామి వర్మ జయంతి సందర్భంగా శుక్రవారం విజయవాడలోని ఎన్‌టీఆర్ జిల్లా పోలీస్ కమిషనర్ కార్యాలయంలో ఆయన చిత్రపటానికి డిప్యూటీ పోలీస్ కమిషనర్ కృష్ణకాంత్ పటేల్ ఐపీఎస్ పూలమాల వేసి ఘనంగా నివాళులర్పించారు. ఈ సందర్భంగా అగ్నికుల క్షత్రియ సమాజానికి ప్రత్యేక గుర్తింపు తీసుకురావడంలో, ఆయుర్వేద వైద్య రంగంలో విశిష్ట సేవలందించడంలో పొన్నమండ లక్ష్మణస్వామి వర్మ చేసిన కృషి చిరస్మరణీయమని ఆయన పేర్కొన్నారు. వెనుకబడిన వర్గాల అభ్యున్నతికి ఆయన అందించిన సేవలను స్మరించుకుంటూ ఆంధ్రప్రదేశ్ ప్రభుత్వం ఆగస్టు 7న ఆయన జయంతిని అధికారిక రాష్ట్ర పండుగగా నిర్వహించడం గర్వకారణమన్నారు. కార్యక్రమంలో ఇన్‌స్పెక్టర్లు, సీపీవో సిబ్బంది పాల్గొన్నారు.