గుణదల బస్టాప్ వద్ద మహిళ మృతి.. ఆచూకీ కోసం పోలీసుల ఆరా!

విజయవాడ, అక్టోబర్ 10: విజయవాడ గుణదల డెంటల్ కళాశాల బస్టాప్ సమీపంలో గుర్తుతెలియని మహిళ మృతి చెందిన ఘటన వెలుగులోకి వచ్చింది. మృతురాలి వయస్సు సుమారు 60 నుంచి 65 సంవత్సరాల మధ్య ఉంటుందని మాచవరం హెడ్ కానిస్టేబుల్ శివరాం ప్రసాద్ తెలిపారు. మృతురాలి పేరు, చిరునామా, ఇతర వివరాలు ఇంకా తెలియరాలేదు. మహిళ గుర్తింపునకు పోలీసులు వివరాలు సేకరిస్తున్నారు. మృతికి గల కారణాలు, ఘటనకు సంబంధించిన పూర్తి వివరాలు తెలియాల్సి ఉంది.