కృష్ణా జిల్లాలో రేపు యథావిధిగా పోలింగ్!

జిల్లా ఎన్నికల అధికారి డీకే బాలాజీ స్పష్టీకరణ... కృష్ణా, నవంబర్ 4: కృష్ణా జిల్లాలో ఎంపీటీసీ, జెడ్పీటీసీ స్థానాలకు నవంబర్ 5న జరగనున్న ఎన్నికలు యథావిధిగా నిర్వహించనున్నట్లు జిల్లా ఎన్నికల అధికారి డీకే బాలాజీ స్పష్టం చేశారు. ఎన్నికల నిర్వహణపై సోషల్ మీడియాలో ప్రచారమవుతున్న అసత్య సమాచారాన్ని ప్రజలు నమ్మవద్దని సూచించారు. ఎన్నికల వాయిదాపై జరుగుతున్న ప్రచారంలో ఎలాంటి వాస్తవం లేదని ఆయన తెలిపారు. ఎన్నికల ప్రక్రియ ముందుగా నిర్ణయించిన షెడ్యూల్ ప్రకారమే కొనసాగుతుందని స్పష్టంచేశారు. ఓటర్లు అధికారిక సమాచారాన్ని మాత్రమే విశ్వసించాలని, ఎలాంటి అపోహలకు గురికాకుండా తమ ఓటు హక్కును వినియోగించుకోవాలని కోరారు. ఎన్నికలపై తప్పుడు ప్రచారాలను నమ్మి ఓటర్లు గందరగోళానికి గురికావద్దని జిల్లా ఎన్నికల అధికారి విజ్ఞప్తి చేశారు. ప్రజాస్వామ్య ప్రక్రియలో ప్రతి ఒక్కరూ భాగస్వాములై పోలింగ్‌లో పాల్గొనాలని సూచించారు.