సంజయ్‌గాంధీ నగర్‌లో నేడు ఇళ్ల పట్టాల పంపిణీ
మధ్యాహ్నం 12 గంటలకు కార్యక్రమం… లబ్ధిదారులకు పట్టాలు అందించనున్న ఎమ్మెల్యే గద్దె రామమోహన్‌… లాకుల రోడ్డులో ఏర్పాట్లు పూర్తి…
విజయవాడ, అక్టోబర్ 4: విజయవాడ తూర్పు నియోజకవర్గ పరిధిలోని పాత 12వ డివిజన్‌ (కొత్త 19వ డివిజన్‌) లాకుల రోడ్డు సంజయ్‌గాంధీ నగర్‌లో ఆదివారం ఇళ్ల పట్టాల పంపిణీ కార్యక్రమం నిర్వహించనున్నారు. మధ్యాహ్నం 12 గంటలకు జరిగే ఈ కార్యక్రమానికి తూర్పు నియోజకవర్గ ఎమ్మెల్యే గద్దె రామమోహన్‌ ముఖ్య అతిథిగా హాజరై లబ్ధిదారులకు ఇళ్ల పట్టాలను పంపిణీ చేయనున్నారు. కార్యక్రమంలో స్థానిక ప్రజాప్రతినిధులు, కూటమి నాయకులు, కార్యకర్తలు, లబ్ధిదారులు పాల్గొననున్నట్లు ఎమ్మెల్యే కార్యాలయ ప్రతినిధులు తెలిపారు.