డిజిటల్ అరెస్టు ఉచ్చులో రూ.71.30 లక్షలు

విజయవాడ, సెప్టెంబర్ 26 (ఆంధ్రప్రభ): విజయవాడలో డిజిటల్ అరెస్టు పేరుతో సైబర్ నేరగాళ్లు భారీ మోసానికి పాల్పడ్డారు. నగరంలోని పటమట నాగార్జున నగర్‌కు చెందిన 80 ఏళ్ల విశ్రాంత ఇంజినీర్‌ను తమ వలలో వేసుకుని రూ.71.30 లక్షలు కాజేశారు. పోలీసు అధికారులమంటూ పరిచయం చేసుకున్న మోసగాళ్లు ఆయనపై కేసు నమోదైందని బెదిరించారు. ఐదు రోజులపాటు వీడియో కాల్‌లో ఉంచి బయటివారితో మాట్లాడకుండా భయభ్రాంతులకు గురిచేసినట్లు సమాచారం. కేసు నుంచి బయటపడాలంటే నగదు బదిలీ చేయాలని ఒత్తిడి చేయడంతో బాధితుడు విడతలవారీగా రూ.71.30 లక్షలను మోసగాళ్లు సూచించిన బ్యాంకు ఖాతాలకు పంపించారు. డబ్బు బదిలీ అనంతరం మోసగాళ్లు స్పందించకపోవడంతో తాను మోసపోయినట్లు బాధితుడు గుర్తించారు. వెంటనే విజయవాడ సైబర్ క్రైమ్ పోలీసులకు ఫిర్యాదు చేశారు. పోలీసులు కేసు నమోదు చేసి నగదు వెళ్లిన బ్యాంకు ఖాతాలు, ఫోన్ నంబర్లు, వీడియో కాల్ వివరాల ఆధారంగా దర్యాప్తు చేపట్టారు. పోలీసులు ఎవరినీ వీడియో కాల్‌లో డిజిటల్ అరెస్టు చేయరని, ఇటువంటి బెదిరింపులకు భయపడి నగదు పంపవద్దని అధికారులు