దేశాయిపేట టిడ్కో కాలనీలో ఉచిత వైద్య శిబిరం

మచిలీపట్నం, అక్టోబరు 5: దేశాయిపేటలోని గో సంఘం టిడ్కో కాలనీలో దావతే ఇస్లామీ ఇండియాకు చెందిన గరీబ్‌ నవాజ్‌ రిలీఫ్‌ ఫౌండేషన్‌ ఆధ్వర్యంలో ఉచిత వైద్య శిబిరాన్ని నిర్వహించారు. గ్యారవీ షరీఫ్‌ను పురస్కరించుకొని ప్రభుత్వ వైద్యుల సహకారంతో ఏర్పాటు చేసిన ఈ శిబిరంలో 90 మందికి పైగా వైద్య పరీక్షలు నిర్వహించారు. స్థానికులకు బీపీ, షుగర్‌, రక్త పరీక్షలు చేసి అవసరమైన మందులను ఉచితంగా పంపిణీ చేశారు. అనంతరం గౌసే ఆజం రజియల్లాహు అన్హు చిరస్మరణ సభ నిర్వహించారు. వైద్య శిబిరం నిర్వహణకు అనుమతించిన కృష్ణా జిల్లా కలెక్టర్‌ డీకే బాలాజీకి నిర్వాహకులు కృతజ్ఞతలు తెలిపారు. కార్యక్రమంలో పాల్గొన్న ముస్లిం మత గురువులు, ఇనుగుదురుపేట ఎస్సై సర్వర్‌ బేగ్‌ మాట్లాడుతూ డ్రగ్స్‌ రహిత సమాజ నిర్మాణానికి ప్రతి ఒక్కరూ బాధ్యతగా కృషి చేయాలని పిలుపునిచ్చారు. యువత మాదకద్రవ్యాలకు దూరంగా ఉండాలని సూచించారు.