దుర్గమ్మ సన్నిధిలో దర్శకుడు బోయపాటి శ్రీను

విజయవాడ, అక్టోబర్ 13: దసరా శరన్నవరాత్రి మహోత్సవాల సందర్భంగా ప్రముఖ సినీ దర్శకుడు బోయపాటి శ్రీను మంగళవారం కుటుంబ సమేతంగా ఇంద్రకీలాద్రిపై కొలువుదీరిన శ్రీ కనకదుర్గమ్మవారిని దర్శించుకున్నారు. ఆలయానికి చేరుకున్న బోయపాటి శ్రీను కుటుంబ సభ్యులకు దేవస్థానం పాలకమండలి చైర్మన్ బొర్రా రాధాకృష్ణ ప్రత్యేక దర్శన ఏర్పాట్లు చేశారు. అమ్మవారి సన్నిధిలో కుటుంబ సమేతంగా పూజలు నిర్వహించిన అనంతరం వేద పండితులు ఆయనకు వేదాశీర్వచనం అందజేశారు. ఆలయ అధికారులు అమ్మవారి శేషవస్త్రం, తీర్థప్రసాదాలను అందజేశారు.