భక్తుల సమస్యలను అడిగి తెలుసుకున్న కలెక్టర్‌ లక్ష్మీశ

విజయవాడ, అక్టోబర్‌ 13: దసరా శరన్నవరాత్రి మహోత్సవాల సందర్భంగా ఇంద్రకీలాద్రిపై శ్రీ అన్నపూర్ణాదేవి అలంకారంలో దర్శనమిస్తున్న కనకదుర్గమ్మను దర్శించుకునేందుకు భక్తులు పెద్దసంఖ్యలో తరలివస్తున్నారు. ఈ నేపథ్యంలో ఎన్టీఆర్‌ జిల్లా కలెక్టర్‌ డాక్టర్‌ జి. లక్ష్మీశ భక్తులతో నేరుగా మాట్లాడి వారి సమస్యలను అడిగి తెలుసుకున్నారు. అమ్మవారి దర్శనానికి ఎంత సమయం పడుతోంది, క్యూలైన్లలో ఏవైనా ఇబ్బందులు ఎదురవుతున్నాయా, అందుబాటులో ఉన్న సౌకర్యాలు ఎలా ఉన్నాయనే అంశాలపై ఆరా తీశారు.