గవర్నర్‌పేట పోలీస్‌స్టేషన్‌లో ఘనంగా గాంధీ జయంతి

విజయవాడ, అక్టోబర్ 2: గవర్నర్‌పేట పోలీస్‌స్టేషన్‌లో శుక్రవారం మహాత్మా గాంధీ జయంతి వేడుకలను ఘనంగా నిర్వహించారు. పోలీస్‌స్టేషన్‌ ఆవరణలో ఏర్పాటు చేసిన గాంధీజీ చిత్రపటానికి గవర్నర్‌పేట సీఐ బి. బాలమురళీకృష్ణ పూలమాల వేసి నివాళులర్పించారు. అనంతరం కొబ్బరికాయ కొట్టి పూజా కార్యక్రమాలు నిర్వహించారు. ఈ సందర్భంగా సీఐ బాలమురళీకృష్ణ మాట్లాడుతూ దేశ స్వాతంత్ర్యం కోసం మహాత్మా గాంధీ చేసిన పోరాటం చిరస్మరణీయమన్నారు. ఆయన చూపిన సత్యం, అహింసా మార్గాలు ప్రతి ఒక్కరికీ ఆదర్శమని పేర్కొన్నారు. బాపూజీ ఆశయాలకు అనుగుణంగా ప్రజలందరూ సమాజ శ్రేయస్సు కోసం పాటుపడాలని పిలుపునిచ్చారు. కార్యక్రమంలో పోలీసు అధికారులు, సిబ్బంది పెద్ద సంఖ్యలో పాల్గొన్నారు.