స్థానిక ఎన్నికలపై జనసేన నేతల చర్చ

విజయవాడ, అక్టోబర్‌ 16: రానున్న స్థానిక సంస్థల ఎన్నికల నేపథ్యంలో విజయవాడలోని ఎన్టీఆర్‌ జిల్లా జనసేన పార్టీ కార్యాలయంలో శుక్రవారం పార్టీ నాయకులు సమావేశమయ్యారు. జిల్లా అధ్యక్షుడు సామినేని ఉదయభాను ఆధ్వర్యంలో జనసేన నాయకుడు వంగవీటి రాధాకృష్ణను కలిసి స్థానిక సంస్థల ఎన్నికలపై చర్చించారు. ఈ భేటీలో జనసేన పార్టీ సెంట్రల్‌ ఆంధ్ర జోన్‌ కన్వీనర్‌, విజయవాడ పశ్చిమ నియోజకవర్గ అసెంబ్లీ ఎన్నికల సమన్వయకర్త బాడిత శంకర్‌తో పాటు పలువురు పార్టీ నాయకులు పాల్గొన్నారు.