పవన్‌ కల్యాణ్‌ ఆయురారోగ్యాల కోసం దుర్గమ్మకు ప్రత్యేక పూజలు

విజయవాడ, అక్టోబరు 8: ఉపముఖ్యమంత్రి పవన్‌ కల్యాణ్‌ సంపూర్ణ ఆరోగ్యం, దీర్ఘాయుష్షు కోసం జనసేన నాయకులు గురువారం ఇంద్రకీలాద్రిపై ప్రత్యేక పూజలు నిర్వహించారు. ఎన్టీఆర్‌ జిల్లా జనసేన అధ్యక్షుడు సామినేని ఉదయభాను ఆధ్వర్యంలో ఏపీ ఫిల్మ్‌ డెవలప్‌మెంట్‌ కార్పొరేషన్‌ వైస్‌ చైర్మన్‌ మెహర్‌ రమేష్‌కుమార్‌తో కలిసి కనకదుర్గమ్మను దర్శించుకున్నారు. రాబోయే మున్సిపల్‌ కార్పొరేషన్‌ ఎన్నికల్లో జనసేన పార్టీ భారీ మెజారిటీతో విజయం సాధించాలని అమ్మవారిని ప్రార్థించారు. ఈ విషయాన్ని జనసేన సెంట్రల్‌ ఆంధ్ర జోన్‌ కన్వీనర్‌ బాడిత శంకర్‌ తెలిపారు.