దుర్గమ్మను దర్శించుకున్న ఉపసభాపతి రఘురామకృష్ణంరాజు దంపతులు

విజయవాడ, అక్టోబర్‌ 11: దసరా శరన్నవరాత్రి ఉత్సవాల సందర్భంగా ఆంధ్రప్రదేశ్‌ శాసనసభ ఉపసభాపతి కె. రఘురామకృష్ణంరాజు ఆదివారం సతీసమేతంగా ఇంద్రకీలాద్రిపై కొలువుదీరిన శ్రీ కనకదుర్గమ్మ అమ్మవారిని దర్శించుకున్నారు. అమ్మవారి సన్నిధిలో భక్తిశ్రద్ధలతో ప్రార్థనలు నిర్వహించారు. దర్శనానంతరం వేదపండితులు దంపతులకు ఆశీర్వచనం అందజేశారు. అనంతరం అమ్మవారి ప్రసాదం, చిత్రపటాన్ని అందజేశారు.