వైసీపీలో మతమార్పిడుల ఒత్తిడి ఉండేది: చంద్రబాబు ఆరోపణ

గన్నవరం, ఆగస్టు 29: గత వైసీపీ ప్రభుత్వ హయాంలో బలవంతపు మతమార్పిడులు జరిగాయని ముఖ్యమంత్రి చంద్రబాబు నాయుడు ఆరోపించారు. గన్నవరంలో జరిగిన సభలో ఆయన మాట్లాడుతూ గత ప్రభుత్వ తీరుపై తీవ్ర విమర్శలు చేశారు.

తనను మతం మార్చే ప్రయత్నం చేశారని మాజీ మంత్రి కొడాలి నాని చెప్పినట్లు చంద్రబాబు ప్రస్తావించారు. మత విశ్వాసాల్లో జోక్యం చేసుకోవడం సరికాదని, ఎవరి విశ్వాసాలను వారు గౌరవించుకునే పరిస్థితి ఉండాలని పేర్కొన్నారు.

గత ప్రభుత్వ హయాంలో దేవాలయాలపై దాడులు జరిగాయని ఆరోపించిన చంద్రబాబు, ఇటువంటి ఘటనల ద్వారా ప్రజల విశ్వాసాలను దెబ్బతీశారని విమర్శించారు. “మతం మారితేనే వైసీపీలో ఉండేలా చేశారు” అంటూ ఆయన చేసిన వ్యాఖ్యలు రాజకీయంగా చర్చనీయాంశంగా మారాయి.