కట్నం కోసం వేధింపులు.. న్యాయం కోరిన భార్య!

విజయవాడ, అక్టోబర్ 13: అదనపు కట్నం కోసం భార్యను వేధిస్తున్నాడనే ఆరోపణలపై భర్త నీరజ్‌బాబుపై విజయవాడ కొత్తపేట పోలీసులు కేసు నమోదు చేశారు. విజయవాడ వించిపేటకు చెందిన ఓ మహిళను అదనపు కట్నం తీసుకురావాలంటూ భర్త వేధిస్తున్నట్లు బాధితురాలు పోలీసులకు ఫిర్యాదు చేసింది. భర్త వేధింపులను అడ్డుకునేందుకు ప్రయత్నించిన తన తల్లిపైనా దాడి చేసినట్లు బాధితురాలు ఫిర్యాదులో పేర్కొంది. అదనపు కట్నం కోసం తనను శారీరకంగా, మానసికంగా ఇబ్బందులకు గురిచేస్తున్నాడని ఆరోపించింది. బాధితురాలి ఫిర్యాదు మేరకు కొత్తపేట పోలీసులు సోమవారం కేసు నమోదు చేసి దర్యాప్తు చేపట్టారు. ఘటనకు సంబంధించిన పూర్తి వివరాలను సేకరిస్తున్నారు.