విజయదశమి వేళ ఇంద్రకీలాద్రికి భక్తజనం పోటెత్తింది!

విజయవాడ, అక్టోబర్ 20: విజయదశమి పర్వదినాన్ని పురస్కరించుకుని ఇంద్రకీలాద్రిపై భక్తుల రద్దీ కొనసాగుతోంది. శ్రీ రాజరాజేశ్వరీ దేవి అలంకారంలో దర్శనమిస్తున్న కనకదుర్గమ్మను దర్శించుకునేందుకు భక్తులు పెద్దఎత్తున తరలివస్తున్నారు. ఇప్పటివరకు లక్ష మంది భక్తులు అమ్మవారిని దర్శించుకున్నట్లు సమాచారం. భక్తుల రాక కొనసాగుతుండటంతో దర్శనాల సంఖ్య మరింత పెరిగే అవకాశముంది.