విజయవాడ మేయర్‌ బరిలో వంగవీటి రాధా?

విజయవాడ, అక్టోబర్‌ 17: విజయవాడ మేయర్‌ అభ్యర్థిగా జనసేన వంగవీటి రాధాకృష్ణను ఎంపిక చేసినట్లు ఓ వార్తా యాప్‌లో వెలువడిన కథనం రాజకీయ వర్గాల్లో చర్చకు దారితీసేలా ఉంది. స్థానిక సంస్థల ఎన్నికల్లో పోటీ చేసే అభ్యర్థుల తొలి జాబితాను జనసేన ప్రకటించిందని ఆ కథనం పేర్కొంది. విజయవాడకు వంగవీటి రాధాకృష్ణ, ఏలూరుకు రెడ్డి అప్పలనాయుడును మేయర్‌ అభ్యర్థులుగా పేర్కొనడంతోపాటు పలు మున్సిపాలిటీల చైర్‌పర్సన్‌ అభ్యర్థుల పేర్లనూ వెల్లడించినట్లు తెలిపింది. అయితే, ఈ వివరాలకు సంబంధించిన జనసేన అధికారిక ప్రకటన అందుబాటులో లేకపోవడంతో అభ్యర్థిత్వాలు ఖరారైనట్లు నిర్ధారించలేం. పార్టీ ప్రకటనతోనే స్పష్టత రానుంది.