బెజవాడలో డ్రగ్స్‌ తనిఖీలు.. ఐదుగురికి పాజిటివ్‌

విజయవాడ: మాదకద్రవ్యాల నియంత్రణలో భాగంగా విజయవాడ రైల్వే స్టేషన్‌ సమీపంలో ఈగల్‌, స్థానిక పోలీసులు సంయుక్తంగా తనిఖీలు నిర్వహించారు. సుమారు 12 మందికి డ్రగ్స్‌ స్క్రీనింగ్‌ పరీక్షలు చేయగా, ఐదుగురికి పాజిటివ్‌గా తేలినట్లు సమాచారం. వారిలో ఒకరిని తదుపరి చర్యల కోసం పోలీస్‌ స్టేషన్‌కు తరలించగా, మిగిలిన నలుగురికి కౌన్సెలింగ్‌ ఇచ్చారు. మాదకద్రవ్యాలకు దూరంగా ఉండాలని ఈగల్‌ సీఐ రవీంద్ర సూచించారు. డ్రగ్స్‌కు సంబంధించిన సమాచారం ఉంటే 1972 నంబరుకు తెలియజేయాలని కోరారు.