దసరా ఉత్సవాలకు గవర్నర్‌కు ఆహ్వానం

విజయవాడ, అక్టోబరు 1: ఇంద్రకీలాద్రిపై నిర్వహించనున్న దసరా శరన్నవరాత్రి ఉత్సవాలకు హాజరుకావాలని రాష్ట్ర గవర్నర్‌ ఎస్‌.అబ్దుల్‌ నజీర్‌ను శ్రీ దుర్గామల్లేశ్వరస్వామి దేవస్థానం అధికారులు ఆహ్వానించారు. ఉత్సవాల ఆహ్వాన పత్రికను గవర్నర్‌కు అందజేసి, అమ్మవారి దర్శనానికి రావాలని కోరారు. గవర్నర్‌ను కలిసిన వారిలో దేవదాయశాఖ కమిషనర్‌ కె.రామచంద్ర మోహన్‌, ఆలయ పాలకమండలి ఛైర్మన్‌ బొర్రా రాధాకృష్ణ, కార్యనిర్వహణాధికారి వి.కె.శీనా నాయక్‌, స్థానాచార్య శివప్రసాద్‌ శర్మ, ఉప ప్రధాన అర్చకుడు శంకర శాండిల్య తదితరులు ఉన్నారు.