అహ్మద్‌ అలీ మృతి పోలీసు శాఖకు తీరని లోటు

విజయవాడ, సెప్టెంబర్‌ 27: నున్న సర్కిల్‌ ఇన్‌స్పెక్టర్‌ అహ్మద్‌ అలీ గుండెపోటుతో ఆకస్మికంగా మృతి చెందడం తీవ్ర విషాదకరమని ప్రభుత్వ విప్‌, గన్నవరం ఎమ్మెల్యే యార్లగడ్డ వెంకట్రావు అన్నారు. ఆదివారం అహ్మద్‌ అలీ పార్థివదేహానికి పూలమాల వేసి నివాళులర్పించారు. అనంతరం కుటుంబ సభ్యులను పరామర్శించి ప్రగాఢ సానుభూతి

తెలిపారు. ఈ సందర్భంగా యార్లగడ్డ మాట్లాడుతూ అహ్మద్‌ అలీ సౌమ్య స్వభావంతో ప్రజలతో మర్యాదగా మెలిగేవారని పేర్కొన్నారు. విధుల పట్ల నిబద్ధత, అంకితభావంతో పనిచేసిన ఆయన ఆకస్మిక మరణం పోలీసు శాఖకు తీరని లోటని అన్నారు. అహ్మద్‌ అలీ ఆత్మకు శాంతి చేకూరాలని, ఆయన కుటుంబ సభ్యులకు భగవంతుడు మనోధైర్యం ప్రసాదించాలని ప్రార్థించారు.