టీడీపీలోకి ముస్లిం మైనారిటీల చేరికలు

విజయవాడ, అక్టోబర్ 9: విజయవాడ సెంట్రల్ నియోజకవర్గంలో పలువురు ముస్లిం మైనారిటీలు తెలుగుదేశం పార్టీలో చేరారు. శుక్రవారం సాయంత్రం బీఆర్‌టీఎస్ రోడ్డులోని ఎమ్మెల్యే కార్యాలయంలో 60వ డివిజన్ వాంబే కాలనీకి చెందిన కంచి ధనశేఖర్, నియోజకవర్గ మైనారిటీ అధ్యక్షుడు షేక్ గౌస్ బాషా ఆధ్వర్యంలో ప్రభుత్వ విప్, ఎమ్మెల్యే బొండా ఉమామహేశ్వరరావు సమక్షంలో పార్టీలో చేరారు. వారికి ఎమ్మెల్యే పార్టీ కండువాలు కప్పి ఆహ్వానించారు. ఈ సందర్భంగా బొండా ఉమా మాట్లాడుతూ ముస్లిం మైనారిటీల సంక్షేమం, అభివృద్ధికి తెలుగుదేశం పార్టీ ఎల్లప్పుడూ ప్రాధాన్యమిస్తుందని తెలిపారు. ముఖ్యమంత్రి చంద్రబాబు నాయుడు నాయకత్వంలో కూటమి ప్రభుత్వం కులమతాలకు అతీతంగా సంక్షేమ పథకాలను అమలు చేస్తోందన్నారు. మైనారిటీ కుటుంబాల అభ్యున్నతి, పిల్లల విద్యాభివృద్ధికి అవసరమైన సహకారం

అందించేందుకు కృషిచేస్తున్నామని చెప్పారు. సెంట్రల్ నియోజకవర్గంలో మౌలిక సదుపాయాల కల్పనతో పాటు పేద, మధ్యతరగతి కుటుంబాల సమస్యల పరిష్కారానికి చర్యలు చేపడుతున్నామన్నారు. పార్టీలో చేరిన ప్రతి ఒక్కరికీ సముచిత గౌరవం కల్పిస్తామని, పార్టీ బలోపేతానికి అందరూ కలిసికట్టుగా పనిచేయాలని పిలుపునిచ్చారు. కార్యక్రమంలో షేక్ బాజీ, లతీఫ్, అబ్దుల్ వహీద్, ఇబ్రహీం ఖాన్, అమీర్ జానీ, షేక్ ఏజాద్, పఠాన్ రెహమాన్, షేక్ మస్తాన్ వలి, షేక్ సుభాని, షేక్ సలాం, షేక్ ఆఫీసుల్లా, షేక్ షరీఫ్, షేక్ కాసిం, బాజీ, అమీర్ తదితరులు పాల్గొన్నారు.కార్యక్రమంలో షేక్ బాజీ, లతీఫ్, అబ్దుల్ వహీద్, ఇబ్రహీం ఖాన్, అమీర్ జానీ, షేక్ ఏజాద్, పఠాన్ రెహమాన్, షేక్ మస్తాన్ వలి, షేక్ సుభాని, షేక్ సలాం, షేక్ ఆఫీసుల్లా, షేక్ షరీఫ్, షేక్ కాసిం, బాజీ, అమీర్ తదితరులు పాల్గొన్నారు.