ప్రజల్లోకి సంక్షేమం.. పార్టీ శ్రేణులకు దిశానిర్దేశం

మంగళగిరి, ఆగస్టు 27: తెలుగుదేశం పార్టీని క్షేత్రస్థాయిలో మరింత బలోపేతం చేయడంతోపాటు ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రజల్లోకి విస్తృతంగా తీసుకెళ్లాలని రాష్ట్ర మంత్రి గొట్టిపాటి రవికుమార్ సూచించారు.

మంగళగిరిలోని తెలుగుదేశం పార్టీ కేంద్ర కార్యాలయంలో గురువారం నిర్వహించిన యూనిట్ ఇన్‌ఛార్జ్‌ల శిక్షణ తరగతుల్లో మంత్రి పాల్గొని పార్టీ శ్రేణులకు దిశానిర్దేశం చేశారు. బూత్ స్థాయి నుంచి పార్టీ కార్యకలాపాలను పటిష్ఠంగా నిర్వహిస్తూ ప్రజలతో నిరంతరం మమేకం కావాలని పిలుపునిచ్చారు.

కూటమి ప్రభుత్వం అమలు చేస్తున్న సంక్షేమ పథకాలు, చేపడుతున్న అభివృద్ధి కార్యక్రమాలను ప్రతి కుటుంబానికి వివరించాలని సూచించారు. ప్రజల సమస్యలను ఎప్పటికప్పుడు తెలుసుకుని వాటి పరిష్కారానికి చొరవ చూపాలని తెలిపారు. పార్టీ బలోపేతంలో యూనిట్ ఇన్‌ఛార్జ్‌లు క్రియాశీలక పాత్ర పోషించాలని మంత్రి కోరారు.