విజయవాడలో ఆకట్టుకున్న స్వాతంత్య్ర వేడుకల శకటాలు

ఆగస్టు 15 — V10TV AP: విజయవాడలో నిర్వహించిన 80వ స్వాతంత్య్ర దినోత్సవ వేడుకల్లో వివిధ ప్రభుత్వ శాఖల శకటాల ప్రదర్శన ప్రత్యేక ఆకర్షణగా నిలిచింది. మంత్రి నారా లోకేష్ ముఖ్య అతిథిగా పాల్గొన్న వేడుకల్లో మొత్తం 16 ప్రభుత్వ శాఖలకు చెందిన శకటాలను ప్రదర్శించారు.

దుర్గగుడి దేవస్థానం శకటం సంప్రదాయబద్ధంగా ఆకట్టుకోగా, విద్యాశాఖ, అగ్నిమాపక, పోలీస్, విజయవాడ నగరపాలక సంస్థ తదితర శాఖల శకటాలు తమ శాఖల కార్యక్రమాలు, అభివృద్ధి పథకాలను ప్రతిబింబించేలా రూపొందించారు.

అలాగే వివిధ బృందాల ప్రదర్శనలు, క్రమశిక్షణతో సాగిన శకటాల పరేడ్ స్వాతంత్య్ర వేడుకలకు ప్రత్యేక శోభను తీసుకొచ్చాయి. కార్యక్రమాన్ని తిలకించిన ప్రజలు శకటాల ప్రదర్శనను ఆసక్తిగా వీక్షించారు.