పశ్చిమంలో కూటమి ప్రచార హోరు!

విజయవాడ, అక్టోబర్ 27 : విజయవాడ నగరపాలక సంస్థ ఎన్నికల నేపథ్యంలో పశ్చిమ నియోజకవర్గంలో ఎన్డీఏ కూటమి ఎన్నికల ప్రచారం ఉత్సాహంగా సాగింది. మంగళవారం నియోజకవర్గ పరిధిలోని 33, 34, 35, 37, 38, 39, 40వ డివిజన్లలో కూటమి బలపరిచిన మేయర్ అభ్యర్థి వంగవీటి రాధాకృష్ణతో కలిసి జనసేన పార్టీ సెంట్రల్ ఆంధ్ర జోన్ కన్వీనర్, పశ్చిమ నియోజకవర్గ అసెంబ్లీ ఎన్నికల సమన్వయకర్త బాడిత శంకర్ విస్తృతంగా ప్రచారం నిర్వహించారు. స్థానిక నాయకులు, కార్యకర్తలతో కలిసి ఇంటింటికీ వెళ్లి ప్రజలను కలుసుకున్నారు. కూటమి అభ్యర్థులకు మద్దతు ఇవ్వాలని ఓటర్లను అభ్యర్థించారు. ఈ సందర్భంగా బాడిత శంకర్ మాట్లాడుతూ విజయవాడ నగర సమగ్రాభివృద్ధి, ప్రజా సంక్షేమమే కూటమి ప్రధాన లక్ష్యమని పేర్కొన్నారు. నగరంలో మౌలిక సదుపాయాల మెరుగుదలతో పాటు ప్రజలు ఎదుర్కొంటున్న సమస్యల పరిష్కారానికి కృషి చేస్తామని తెలిపారు. కూటమి బలపరిచిన కార్పొరేటర్ అభ్యర్థులను భారీ మెజారిటీతో గెలిపించాలని కోరారు. ప్రజల ఆశీస్సులతో మేయర్ అభ్యర్థి వంగవీటి రాధాకృష్ణ నాయకత్వంలో నగర అభివృద్ధికి మరింత కృషి చేస్తామని చెప్పారు. పశ్చిమ నియోజకవర్గంలోని ప్రతి డివిజన్‌లో కూటమి శ్రేణులు సమన్వయంతో పనిచేయాలని బాడిత శంకర్ పిలుపునిచ్చారు. ఎన్నికల్లో కూటమి అభ్యర్థుల గెలుపే లక్ష్యంగా ప్రతి కార్యకర్త ప్రజల్లోకి వెళ్లాలని సూచించారు. ఈ ప్రచార కార్యక్రమంలో పశ్చిమ నియోజకవర్గ టీడీపీ ఇన్‌చార్జ్ బుద్ధ వెంకన్న, జనసేన పార్టీ నియోజకవర్గ ఎన్నికల సమన్వయకర్తలు, వివిధ డివిజన్ల కూటమి అభ్యర్థులు, టీడీపీ, జనసేన నాయకులు, వీర మహిళలు, కార్యకర్తలు, అభిమానులు పెద్ద