గుణదల బస్టాప్‌ వద్ద గుర్తుతెలియని వృద్ధుడి మృతి
డెంటల్‌ కళాశాల బస్టాప్‌ వద్ద ఘటన… మృతుడి వయసు 60 నుంచి 65 ఏళ్ల మధ్య ఉంటుందని అంచనా… మృతుడి గుర్తింపు కోసం పోలీసుల ఆరా…
విజయవాడ, అక్టోబర్ 10: విజయవాడ గుణదల డెంటల్‌ కళాశాల బస్టాప్‌ వద్ద గుర్తుతెలియని వృద్ధుడు మృతి చెందాడు. మృతుడి వయసు సుమారు 60 నుంచి 65 సంవత్సరాల మధ్య ఉంటుందని మాచవరం పోలీస్‌స్టేషన్‌ హెడ్‌ కానిస్టేబుల్‌ శివరాం ప్రసాద్‌ తెలిపినట్లు సమాచారం. ఘటనపై సమాచారం అందుకున్న పోలీసులు మృతుడి వివరాలను సేకరిస్తున్నారు. మృతుడు ఎవరు, ఎక్కడి నుంచి వచ్చారు, మృతికి గల కారణాలేమిటనే విషయాలు తెలియాల్సి ఉంది. మృతుడి గుర్తింపునకు పోలీసులు ప్రయత్నిస్తున్నారు.
