కండ్రికలో బొండా సిద్ధార్థ ఇంటింటి ప్రచారం

విజయవాడ, అక్టోబర్‌ 15: ప్రజలతో ప్రత్యక్షంగా మమేకమై వారి సమస్యలను తెలుసుకుంటూ, కూటమి ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను వివరిస్తున్నామని తెలుగుదేశం పార్టీ యువ నాయకుడు బొండా సిద్ధార్థ తెలిపారు. గురువారం సాయంత్రం విజయవాడ సెంట్రల్‌ నియోజకవర్గంలోని 86వ డివిజన్‌ కండ్రిక రామాలయం వద్ద నుంచి పార్టీ శ్రేణులతో కలిసి ఆయన ఇంటింటి ప్రచారం నిర్వహించారు. స్థానికులను కలిసి వారి సమస్యలు, అభిప్రాయాలను అడిగి తెలుసుకున్నారు. ఈ సందర్భంగా సిద్ధార్థ మాట్లాడుతూ ఎమ్మెల్యే బొండా ఉమామహేశ్వరరావు నాయకత్వంలో సెంట్రల్‌ నియోజకవర్గంలోని 29 డివిజన్లలో తెలుగుదేశం పార్టీ, కూటమి బలోపేతానికి సమష్టిగా కృషి చేస్తున్నామని తెలిపారు. ప్రజా సమస్యల పరిష్కారంతో పాటు నియోజకవర్గ అభివృద్ధికి ప్రాధాన్యత ఇస్తున్నామన్నారు. ప్రభుత్వ హామీల అమలు, సంక్షేమ పథకాల ద్వారా అర్హులకు అందుతున్న ప్రయోజనాలను ఇంటింటికీ వివరిస్తున్నామని చెప్పారు. స్థానిక సమస్యలను సంబంధిత నాయకుల దృష్టికి తీసుకెళ్లి పరిష్కారానికి కృషి చేయడం ప్రచార కార్యక్రమ ప్రధాన ఉద్దేశమని పేర్కొన్నారు. కార్యక్రమంలో కాకొల్లు వరలక్ష్మి, కాకొల్లు సాయి హర్ష, కాకొల్లు ఝాన్సీ, కాకొల్లు సాయి చరణ్‌, ఎస్‌.కె. బాబు, కోమారి రాజేష్‌, కోరాడ రమణ, బాబు, తిరుపతయ్య, రమణ, సూర్యనారాయణ, ఖాజా, రాజు తదితరులు పాల్గొన్నారు.