క్రెడిట్ లిమిట్ ఆఫర్ పేరుతో మోసాలు.. జాగ్రత్త!

క్రెడిట్ కార్డు లిమిట్ పెంచుతామంటూ వచ్చే ఫోన్ కాల్స్ పట్ల ప్రజలు అప్రమత్తంగా ఉండాలని ఏసీపీ దామోదర్ సూచించారు. బ్యాంకు అధికారులమంటూ పరిచయం చేసుకునే సైబర్ నేరగాళ్లు క్రెడిట్ కార్డు వివరాలు, సీవీవీ, ఓటీపీ వంటి కీలక సమాచారాన్ని తెలుసుకుని మోసాలకు పాల్పడే అవకాశం ఉందని హెచ్చరించారు.

క్రెడిట్ లిమిట్ పెంచుతామని, ప్రత్యేక ఆఫర్ వచ్చిందని నమ్మించి అనుమానాస్పద లింకులను పంపి వాటిని క్లిక్ చేయించే ప్రయత్నం చేస్తారని తెలిపారు. ఇలాంటి లింకులను ఎట్టి పరిస్థితుల్లోనూ తెరవకూడదని సూచించారు.

బ్యాంకు ప్రతినిధులమని ఎవరైనా ఫోన్ చేసినా కార్డు నంబర్, సీవీవీ, పిన్, ఓటీపీ వంటి రహస్య సమాచారాన్ని వెల్లడించవద్దన్నారు. క్రెడిట్ కార్డు లిమిట్ లేదా ఇతర సేవల కోసం సంబంధిత బ్యాంకు అధికారిక యాప్, వెబ్‌సైట్ లేదా బ్యాంకు శాఖను మాత్రమే సంప్రదించాలని సూచించారు.