పేదల జీవితాల్లో వెలుగులు నింపడమే ప్రభుత్వ లక్ష్యం

విజయవాడ, సెప్టెంబర్‌ 28: పేదల జీవితాల్లో వెలుగులు నింపడమే లక్ష్యంగా కూటమి ప్రభుత్వం పనిచేస్తోందని తూర్పు నియోజకవర్గ ఎమ్మెల్యే గద్దె రామమోహన్‌ తెలిపారు. సోమవారం ఉదయం తూర్పు నియోజకవర్గ పరిధిలోని 7వ డివిజన్‌ చండ్ర రాజేశ్వరరావు నగర్‌లో ఆయన పర్యటించారు. ఈ నెల 30న నిర్వహించనున్న పట్టాభిషేకం కార్యక్రమానికి హాజరుకావాలని స్థానిక నివాసితులను స్వయంగా కలిసి ఆహ్వానించారు. ఈ సందర్భంగా ఎమ్మెల్యే మాట్లాడుతూ కూటమి ప్రభుత్వం అధికారంలోకి వచ్చిన మొదటి రోజు

నుంచే పేదల సంక్షేమానికి ప్రాధాన్యం ఇస్తోందన్నారు. ఏళ్ల తరబడి నివసిస్తున్న పేదలకు పూర్తిస్థాయి హక్కులు కల్పిస్తూ పట్టాలు అందజేయడం వారి జీవితాల్లో గొప్ప మార్పునకు నాంది పలుకుతుందని పేర్కొన్నారు. అర్హులైన ప్రతి ఒక్కరూ పట్టాభిషేకం కార్యక్రమానికి హాజరై పట్టాలను స్వీకరించాలని కోరారు. కార్యక్రమంలో పార్టీ నాయకులు పడమట సతీష్‌చంద్ర, పెనుకొండ శ్రీనివాస్‌, పడాల గంగాధర్‌, దయాల శిరీషా గాంధీ, కోటా లక్ష్మి, కర్రీ రాజేష్‌, పడాల వాసు తదితరులు పాల్గొన్నారు.