ఇంద్రకీలాద్రిపై ఇక లడ్డూ ఏటీఎం
క్యూలైన్లలోనే యూపీఐ చెల్లింపులతో లడ్డూల కొనుగోలు భక్తులకు మరింత సులభంగా ప్రసాదం అందించేలా ఏర్పాట్లు నూతన యంత్రాన్ని ప్రారంభించిన దేవాదాయశాఖ కమిషనర్‌
విజయవాడ: ఇంద్రకీలాద్రిపై రాష్ట్రంలోనే తొలిసారిగా లడ్డూ ప్రసాదం ఏటీఎంను దేవాదాయశాఖ కమిషనర్‌ కె.రామచంద్ర మోహన్‌ ప్రారంభించారు. అర్జునవీధి సెంట్రల్‌ ఇన్నోవేషన్‌ సెంటర్‌ రూపొందించిన ఈ యంత్రం ద్వారా భక్తులు క్యూలైన్లలో వేచి ఉండకుండానే యూపీఐ చెల్లింపులతో లడ్డూ ప్రసాదాన్ని పొందవచ్చు. భక్తులకు ప్రసాదం పంపిణీలో సమయం ఆదా చేయడంతోపాటు రద్దీని తగ్గించేందుకు ఈ సదుపాయాన్ని అందుబాటులోకి తీసుకొచ్చారు. కార్యక్రమంలో ఆలయ ట్రస్ట్‌బోర్డు ఛైర్మన్‌ రాధాకృష్ణ, ఈవో వీకే శీనా నాయక్‌, అధికారులు పాల్గొన్నారు.
