మైలవరం ఏసీపీగా పి.రామచంద్రరావు

మైలవరం, అక్టోబర్‌ 2: మైలవరం పోలీసు సబ్‌ డివిజన్‌ సహాయ పోలీసు కమిషనర్‌గా పి.రామచంద్రరావు నియమితులయ్యారు. రాష్ట్ర పోలీసుశాఖ ఉన్నతాధికారులు గురువారం జారీచేసిన ఉత్తర్వుల మేరకు ఆయన నూతన బాధ్యతలు స్వీకరించారు. మైలవరం ఏసీపీగా పనిచేసిన వై.ప్రసాదరావు పదోన్నతిపై ఏలూరు జిల్లాకు బదిలీ అయ్యారు. అప్పటి నుంచి విజయవాడ ట్రాఫిక్‌ ఏసీపీగా పనిచేస్తున్న పి.రామచంద్రరావు మైలవరం ఇన్‌ఛార్జి ఏసీపీగా అదనపు బాధ్యతలు నిర్వర్తిస్తున్నారు. తాజాగా సాధారణ బదిలీల్లో భాగంగా మైలవరం ఏసీపీగా ఆయనను పూర్తిస్థాయిలో నియమిస్తూ పోలీసుశాఖ ఉత్తర్వులు జారీ చేసింది. దీంతో ఆయన అధికారికంగా బాధ్యతలు చేపట్టారు.