మహిళలకు స్వయం ఉపాధి.. పేదలకు ఆర్థిక భరోసా!

విజయవాడ, అక్టోబర్ 14: మహిళలు ఆర్థికంగా స్వావలంబన సాధించేందుకు, అనారోగ్యంతో బాధపడుతున్న పేద కుటుంబాలకు ఆర్థిక భరోసా కల్పించేందుకు కృషి చేస్తున్నట్లు ప్రభుత్వ విప్, విజయవాడ సెంట్రల్ ఎమ్మెల్యే బొండా ఉమామహేశ్వరరావు తెలిపారు. బుధవారం విజయవాడ 60వ డివిజన్ తెలుగుదేశం పార్టీ కార్యాలయంలో మాజీ కార్పొరేటర్ నెల్లిబండ్ల బాలస్వామి ఆధ్వర్యంలో నిర్వహించిన కార్యక్రమంలో ఆయన పాల్గొన్నారు. గజ్జలకొండ గజలక్ష్మి, బచ్చు జయలక్ష్మి, కె.వరలక్ష్మికి కుట్టు మిషన్లు అందజేశారు. మహిళలు స్వయం ఉపాధి అవకాశాలను సద్వినియోగం చేసుకుని కుటుంబాలకు ఆర్థికంగా అండగా నిలవాలని సూచించారు. అనంతరం ముఖ్యమంత్రి సహాయనిధి ద్వారా షేక్ ఇస్మాయిల్‌కు రూ.45,160, నెప్పాలి వెంకట సాయి గణేష్‌కు రూ.92,415, దొంగ సరస్వతికి రూ.53,739 చొప్పున మొత్తం రూ.1,91,314 విలువైన చెక్కులను పంపిణీ చేశారు. పేద, మధ్యతరగతి కుటుంబాలకు వైద్య ఖర్చుల భారం తగ్గించేందుకు ముఖ్యమంత్రి సహాయనిధి ఉపయోగపడుతుందని బొండా ఉమా పేర్కొన్నారు. అర్హులందరికీ సంక్షేమ పథకాలు అందేలా కృషి చేస్తామని తెలిపారు. కార్యక్రమంలో టీడీపీ నాయకులు, కార్యకర్తలు, లబ్ధిదారులు పాల్గొన్నారు.