అక్టోబరు 2న మద్యం, మాంసం దుకాణాలు బంద్‌

తాడేపల్లిగూడెం, అక్టోబరు 1: గాంధీ జయంతిని పురస్కరించుకొని శుక్రవారం తాడేపల్లిగూడెం పురపాలక సంఘం పరిధిలోని మద్యం దుకాణాలు, బార్లు, మాంసం, చేపల దుకాణాలను పూర్తిగా మూసివేయాలని పురపాలక సంఘం కమిషనర్‌ ఆదేశించారు. హోటళ్లు, రెస్టారెంట్లలో కూడా మాంసాహార విక్రయాలు చేపట్టరాదని స్పష్టం చేశారు. ప్రభుత్వ నిబంధనల ప్రకారం ఈ నిషేధం అమల్లో ఉంటుందని, ఆదేశాలను ఉల్లంఘించిన వారిపై కఠిన చర్యలు తీసుకుంటామని హెచ్చరించారు. ప్రజలు, వ్యాపారులు సహకరించాలని కోరారు.