18 మంది విద్యార్థులతో వెళ్తున్న స్కూల్ బస్సు బోల్తా!

విజయవాడ, అక్టోబర్ 30 : ఎన్టీఆర్ జిల్లా జి.కొండూరు మండలంలో శుక్రవారం ఉదయం ప్రైవేటు పాఠశాల బస్సు ప్రమాదానికి గురైంది. పెనుపాక వైపు వెళ్లే రహదారిపై విద్యార్థులతో వెళ్తున్న స్కూల్ బస్సు అదుపుతప్పి రోడ్డు పక్కన బోల్తాపడింది. ప్రమాద సమయంలో బస్సులో సుమారు 18 మంది విద్యార్థులు ఉన్నట్లు సమాచారం. ఒక్కసారిగా బస్సు బోల్తాపడటంతో విద్యార్థులు తీవ్ర భయాందోళనకు గురయ్యారు. ప్రమాదాన్ని గమనించిన స్థానికులు వెంటనే సంఘటనా స్థలానికి చేరుకుని సహాయక చర్యలు చేపట్టారు. బస్సులో చిక్కుకున్న విద్యార్థులను బయటకు తీసుకువచ్చారు. డ్రైవర్‌కు స్వల్ప గాయాలైనట్లు స్థానికులు తెలిపారు. ప్రమాదానికి గల కారణాలు తెలియాల్సి ఉంది. ఈ ఘటనలో విద్యార్థులకు గాయాలయ్యాయా, వారి ఆరోగ్య పరిస్థితి ఎలా ఉందనే విషయాలపై అధికారిక సమాచారం అందాల్సి ఉంది.