బార్ బయట మాటామాటా.. యువకుడి ప్రాణం తీసిన గొడవ

ఇబ్రహీంపట్నం, ఆగస్టు 29: ఇబ్రహీంపట్నంలోని ఓ బార్ అండ్ రెస్టారెంట్ వద్ద శుక్రవారం రాత్రి రెండు వర్గాల యువకుల మధ్య జరిగిన ఘర్షణలో ఓ యువకుడు మృతి చెందిన ఘటన కలకలం రేపింది.

బార్ బయట కొందరు యువకులు ఓ వ్యక్తిపై విచక్షణారహితంగా దాడి చేసినట్లు స్థానికులు తెలిపారు. గతంలోనూ ఇక్కడ పలుమార్లు యువకుల మధ్య గొడవలు జరిగినట్లు సమాచారం.

ఘటనపై సమాచారం అందుకున్న పోలీసులు వెంటనే అక్కడికి చేరుకుని పరిస్థితిని అదుపులోకి తీసుకొచ్చారు. దాడికి పాల్పడిన వారిపై కేసులు నమోదు చేసి, ఘటనకు దారితీసిన కారణాలు, ఇందులో పాల్గొన్న వారి వివరాలపై దర్యాప్తు చేపట్టారు. నిందితులను గుర్తించేందుకు పోలీసులు పరిసర ప్రాంతాల్లోని సీసీ కెమెరాల దృశ్యాలను పరిశీలిస్తున్నట్లు సమాచారం.