బ్యాంకు ఉద్యోగుల మూడు రోజుల సమ్మె వాయిదా

బ్యాంకు ఉద్యోగులు సోమవారం నుంచి మూడు రోజులపాటు చేపట్టాల్సిన సమ్మె వాయిదా పడింది. ఈ మేరకు యునైటెడ్ ఫోరం ఆఫ్ బ్యాంక్ యూనియన్స్ ప్రకటించింది. శనివారం సెలవు అంశంపై యూఎఫ్‌బీయూ, ఇండియన్ బ్యాంక్స్ అసోసియేషన్ సంయుక్తంగా ఉన్నతస్థాయి కమిటీని ఏర్పాటు చేయనున్నాయి. కమిటీ నిర్ణయం అనంతరం సమ్మెపై తదుపరి కార్యాచరణ ప్రకటిస్తామని బ్యాంకు ఉద్యోగ సంఘాలు వెల్లడించాయి. సమ్మె వాయిదా పడటంతో నేటి నుంచి బ్యాంకులు యథావిధిగా పనిచేయనున్నాయి.