హైదరాబాద్‌ నుంచి మచిలీపట్నం పోర్టుకు ‘గ్రీన్‌ఫీల్డ్’ దారి!

హైదరాబాద్, ఆగస్టు 27: తెలంగాణ, ఆంధ్రప్రదేశ్ రాష్ట్రాల మధ్య రహదారి అనుసంధానాన్ని మరింత బలోపేతం చేసే దిశగా మరో భారీ గ్రీన్‌ఫీల్డ్ ఎక్స్‌ప్రెస్‌వే ప్రతిపాదన తెరపైకి వచ్చింది. సుమారు 298 కిలోమీటర్ల పొడవుతో కొత్త గ్రీన్‌ఫీల్డ్ ఎక్స్‌ప్రెస్‌వే నిర్మించేందుకు కేంద్ర ప్రభుత్వం ప్రణాళికలు సిద్ధం చేస్తున్నట్లు సమాచారం.

తెలంగాణలోని ముచ్చర్ల ఫ్యూచర్ సిటీని ఆంధ్రప్రదేశ్‌లోని అమరావతి, మచిలీపట్నం పోర్టుతో అనుసంధానించేలా ఈ మార్గాన్ని ప్రతిపాదించినట్లు తెలుస్తోంది. రెండు రాష్ట్రాల మధ్య వేగవంతమైన రవాణాతో పాటు రాజధాని ప్రాంతం నుంచి తీరప్రాంత పోర్టుకు కనెక్టివిటీ మెరుగుపడే అవకాశం ఉంది.

ప్రతిపాదిత ప్రాజెక్టుకు అవసరమైన ప్రక్రియలు పూర్తయితే 2026 చివరి నాటికి నిర్మాణ పనులు ప్రారంభమయ్యే అవకాశం ఉన్నట్లు సమాచారం. ఈ ఎక్స్‌ప్రెస్‌వే అందుబాటులోకి వస్తే ప్రయాణ సమయం తగ్గడంతో పాటు సరకు రవాణాకు కూడా కీలక మార్గంగా మారే అవకాశముంది.

ఇదే మార్గానికి అనుబంధంగా రూపాదరిలో పాటు సెమీ హైస్పీడ్ రైల్వే లైన్ నిర్మాణానికి కూడా ప్రణాళికలు ఉన్నట్లు ప్రచారంలో ఉన్న సమాచారం పేర్కొంటోంది. ప్రాజెక్టు తుది అలైన్‌మెంట్, వ్యయం, నిర్మాణ కాలపరిమితిపై అధికారికంగా మరింత స్పష్టత రావాల్సి ఉంది.